ពិធីសម្ពោធសាលាប៊ែលធី អន្តរជាតិទី១៣ (សាខារង្វង់មូល កាំកូស៊ីធី)

វិទ្យាស្ថាន ប៊ែលធី អន្តរជាតិទី១៣

(សាខារង្វង់មូលកាំកូស៊ីធី) សម្ពោធជាផ្លូវការ

ព្រឹកថ្ងៃទី០២ខែធ្នូ ឆ្នាំ២០១៣ថ្នាក់ដឹកនាំនិងបុគ្គលិករបស់ប៊ែលធីគ្រុបទាំងអស់បានប្រារព្ធពិធីសូត្រមន្ត បើកអោយដំណើរការវិទ្យាស្ថានប៊ែលធី អន្តរជាតិទី១៣ (សាខារង្វង់មូលកាំកូស៊ីធី) ដែលស្ថិតនៅអគារលេខ១៦៣ផ្លូវ៥២៨ កែងនឹង ៣៥៣សង្កាត់បឹងកក់ទី១ ខណ្ឌទួលគោក រាជធានីភ្នំពេញ ក្រោមអធិបតីភាព ឯកឧត្តម លី ឆេង អគ្គនាយកប៊ែលធី គ្រុប និងលោកជំទាវ។

អគារប៊ែលធីទី១៣នេះ មានកំពស់ ៧ជាន់ ចំណតក្រោមដី០១ជាន់ និងមាន ៦0បន្ទប់ ដោយមានទែរ៉ាស់ខាងលើសម្រាប់ហាត់ប្រាណ-លំហែកាយ និងមានអាហារដ្ឋាន ព្រមទាំងមាន០៥កម្មវិធីសិក្សាធំៗដូចជា ១- ចំណេះទូទៅ (ថ្នាក់ទី១-១២) ២- ភាសាអង់គ្លេសទូទៅ (គ្រប់កម្រិត) ៣-វគ្គបណ្តុះបណ្តាលជំនាញឯកទេស ៤-វគ្គបណ្តុះបណ្តាលកុំព្យូទ័រ ៥-ថ្នាក់ត្រៀមប្រឡងតេស្តអន្តរជាតិ(TOEFL) ដូចសាខាដ៏ទៃទៀតដែរ។

ឯកឧត្តម លី ឆេង ក៏បានអោយដឹងថា នៅក្នុងឆ្នាំសិក្សានេះ វិទ្យាស្ថានក៏បានរៀបចំបញ្ចូលកម្មវិធីសិក្សាបន្ថែម (Extra-curricular Courses) លើប្រធានបទសំខាន់ៗដូចជា:-សិស្សថ្នាក់ទី១០ សិក្សាអំពី សុវត្ថិភាពចំណីអាហារ និងច្បាប់ ចរាចរណ៍ផ្លូវគោក -សិស្សថ្នាក់ទី១១ សិក្សាអំពី ការយល់ដឹងពីគ្រឿងញៀន និងជម្ងឺអេដស៍ -សិស្សថ្នាក់ទី១២ សិក្សាអំពីច្បាប់ប្រឆាំងអំពើពុករលួយ និងតួនាទីយុវជននៅក្នុងសង្គម។ ក្រៅពីការសិក្សានៅក្នុងថ្នាក់់ សិស្សរបស់យើង ក៏មាន ឱកាសបានធ្វើទស្សនកិច្ចសិក្សា(Field Trip) នៅតាមតំបន់ទេសចរណ៍ និងប្រវត្តិសាស្រ្តសំខាន់ៗមួយចំនួនរួមមាន៖ -ថ្នាក់ទី៤ ទី៥ខ្មែរ និងLevel4-5ភាសាអង់គ្លេស ទៅព្រះបរមរាជវាំង -ថ្នាក់ទី៦ និងLevel 6 ទៅសារមន្ទីរជាតិ - ថ្នាក់ទី៧ និងLevel 7 ទៅសារមន្ទីរទួលស្លែង -ថ្នាក់ទី៨ និងLevel 8 ទៅមជ្ឈមណ្ឌលជើងឯក -ថ្នាក់ទី៩ និងLevel 9 ទៅសារមន្ទីរជាតិ និងភ្នំតាម៉ៅ -ថ្នាក់ទី១០ និងLevel 10 ទៅព្រះបរមរាជវាំង និងភ្នំព្រះរាជទ្រព្យ(ឧត្តុង្គ) -ថ្នាក់ទី១១ និងLevel 11 ទៅសារមន្ទីរទួលស្លែង និង ភ្នំសន្ទុក -ថ្នាក់ទី១២ និងLevel 12 ទៅមជ្ឈមណ្ឌលជើងឯក និងប្រាសាទសម្បូរព្រៃគុក។ លើសពីនេះទៅទៀត សិស្សក៏មានឱកាសបានចូលរួមក្នុងកម្មវិធីប្រកួតប្រជែងនិយាយ ភាសាអង់គ្លេស (English Speaking Contest Program) នៅរៀងរាល់ខែ មករា និងកក្កដាផងដែរ។

ឯកឧត្តម ក៏បានថ្លែងអំណរគុណដល់ សិស្សានុសិស្ស និស្សិត មាតា បិតា និងអាណាព្យាបាលទាំងអស់ ដែលតែងតែគាំទ្រ និងមានជំនឿជឿជាក់មកលើវិទ្យាស្ថានប៊ែលធី អន្តរជាតិ ដែលធ្វើអោយវិទ្យាស្ថានមានការរីកចម្រើនជាបន្តបន្ទាប់រហូតដល់បច្ចុប្បន្ន។

ជាទីបញ្ចប់ឯកឧត្តមបានប្រកាសបើកអោយដំណើរការជាផ្លូវការនូវ វិទ្យាស្ថាន ប៊ែលធី អន្តរជាតិទី១៣ (សាខារង្វង់មូលកាំកូស៊ីធី) ចាប់ពីថ្ងៃនេះតទៅ។ វិទ្យាស្ថានក៏មានផ្តល់ជូន សៀវភៅសិក្សាគូល័រច្បាប់ដើម ០១ឈុតសម្រាប់ ការបង់ថ្លៃសិក្សាថ្នាក់ភាសាអង់គ្លេសទូទៅ១វគ្គសិក្សាផងដែរ។ ការផ្តល់ជូននេះផុត កំណត់ត្រឹមថ្ងៃទី២៨ ខែកុម្ភៈ ឆ្នាំ២០១៤។